ZezO Design
₪رابر المنتدى₪
كيف تعرفت علينا : لا حاجة تاية
هوايتك : 
مزاجك : 
المهنة : 
الدولة : 
عدد المساهمات : 777
تاريخ التسجيل : 11/03/2011
العمر : 28
 | موضوع: كلمات الوضع لازم يتغير 3 , ام سي امين 2011  السبت مارس 12, 2011 4:22 pm | |
|
كلمات الأغنية
V1
ايه احساسك قولي اول حاجة تيجي في راسك
قول احساسك اللي حاسو كون في نفسك واثق
عارف قيمة نفسك مش خايف ولقدام باصص شايف
كلو خايف وضع زايف شايف الحياه في الهايف
دا لأنك ليك حقوق عشان مولود هنا ومخلوق
افضل حاول اصحى فوق من الغيبوبة وهيا تروق
جرب مره اتنين بالزوق لو خلاص بقيت مخنوق
رعاية الحيوان موجودة قدم ورقك وهياخدوك
ولو ملكش واسطة ومعاك مقادير الوصفة
اركن على جنب ياسطة وقول يارب اليسطة
اشطة حسيت احساسك هات ياعم راسك
عارف انو داسك وانت معدي خد (****لباسك****)
ايوا هيا ماشية كدا قانون الغابة
والغلابة اللي بتداس وخلاص وسط ناس كدابة
توعد مبتوفيش تاخد مبتديش فيه وتقول مفيش
وانت تجيب منين علشان تعرف تعيش
ناس بتنام على الريش ناس تتعشى قريش متبصليش
كلامي حقيقي حقق الحقيقه واللي يعيش
بيطوف بيشوف بحروف بعبر بيها عن كلامي من واقع مألوف
معروف فيه كل الظروووف آآهه
C
فكرة جت في راسي راسي دة شي اساسي
مبقاش ناسي ناسي مبقاش قاسي ناحية ناسي
فكرة جت في راسي راسي دة شي اساسي
مبقاش ناسي ناسي مبقاش قاسي ناحية ناسي
فكرة جت في راسي راسي دة شي اساسي
الوضع لاااازم يتغيير
V2
شوف الفرق بين مستشفى عامة وبين مستشفى خاصة
لو مش عارف ايه الفرق جرب قرب بص بصه
شوف الطالب جوا الحصة وايه هوا اللي بيستفاده
شوف الفرق بين بني ادم دلوقتي وبين اجداده
يعمل ايه موظف بسيط مربوط في الساقية جوا بلاده
لف لفه حولين نفسه عشان يقدر يعيش ولاده
واللي عليه بينادو عاوزين من الظلم يفادو فادوه
بس ليهم رب كريم وهما برضو عباده
المصالح المشتركه والمصالح المتبادله
هيا اللي تجمع ابو جلبية مع واحد ببدله
هوا دا حل المعادله بدون مجادلة لازم مبادلة
علشان تجيب نتيجة متعادلة ترضي كل فئات الدولة
كل حاجا بالنيات يارب ارحم كل اللي مات
اثبات الذات من الأنسان بيسيطر على كل الجهات
ساد في بلاد فيها الفساد سواد بيسود السادة
سيداتي انساتي سادتي القهوة سادة
مش بعاتب ولا بلوم ولا بوجه الهجوم
على حد بعينه عشان معلوم مين اللي مزود الهموم
يلا قوم خد معايه لفه نبص بصه نشوف القصه
الناس مش حسه الواقع ولا حسه شكله لسه
عاوز تنسى تخلي قلبك يقسى
وتبقى مع الشيطان وتنسى مكان المرسى علشان ترسى انسى
غير فكرك وروحك بس جروحك مش هتروح من روحك
لازم تعقل تقتل الشر في نفوخك
C
فكرة جت في راسي راسي دة شي اساسي
مبقاش ناسي ناسي مبقاش قاسي ناحية ناسي
فكرة جت في راسي راسي دة شي اساسي
مبقاش ناسي ناسي مبقاش قاسي ناحية ناسي
فكرة جت في راسي راسي دة شي اساسي
الوضع لاااازم يتغيير
V3
خمسة وعشرين يناير الشعب كلو ساير
للتغير مصاير لتتمانين مليون والدم فاير
في فيرس فالضماير سبب في البلد خساير
وكان لازم شبابنا يصحى وبانت البشاير
قدام مجمع التحرير جوا الميدان في ناس كتير
خدو القرار لازم تغير عشان نعيش احرار
كفاية ذل لكل الشعب فلوس من تحت لتحت
ولعب في الحديد والأرض وع البورصة مليون ستار
ياما قلنا ياما عدنا وزدنا وبنحاول بأيدنا
بالدم وبالروح نفديكي كل حاجة ليكي يا بلادنا
ومفيش حد بيساعدنا ولا معانا غير ربنا
هوا مصبرنا مخلينا نقدر برضو نجيب حقنا
الأثار اتسربت فلوس بلدنا اتهربت
رجالة في الأقسام اتكهربت قضايا اتلفئت
و واحد واحد داق النار كل واحد عنده طار
لما دم ناسنا فار شوفنا هروب كل الكبار
والبلد مليانة فوضى والدم فكل الشوارع
قام الأتحاد عشان ضروري نبني سد مانع
بالقوات الحربية مع المقاومة الشعبية
يحمو الأراضي المصرية من الحكومة الفاسدة المخفية
وبانت النية عدم وجود النية للتغير
وانعدام ضمير القادة بشكل كبير دا شئ خطير
كان لازم يبقالو وقفه كان لازم يبقالو آخر
لازم نقضى على السلبية والمهاذل والمساخر
يلا نعيش نعرف نتكلم للأجيال الجاية نعلم
الحياه المصرية بدون سلبية ولا استسلام
يعيش وراسهم فوق عارفين مين هما المصريين
واثقين مفيش اهانة ولا مهانة والحياة سلااااام
| |
|
lovely girl
رابر شغال
عدد المساهمات : 88
تاريخ التسجيل : 26/04/2011
| | موضوع: رد: كلمات الوضع لازم يتغير 3 , ام سي امين 2011 الثلاثاء مايو 17, 2011 2:06 pm | |
| | |
|
M © D Y
₪رابر المنتدى₪
عدد المساهمات : 359
تاريخ التسجيل : 14/03/2011
| | موضوع: رد: كلمات الوضع لازم يتغير 3 , ام سي امين 2011 الأربعاء يوليو 13, 2011 7:21 pm | |
| | |
|
ZezO Design
₪رابر المنتدى₪
كيف تعرفت علينا : لا حاجة تاية
هوايتك :
مزاجك :
المهنة :
الدولة :
عدد المساهمات : 777
تاريخ التسجيل : 11/03/2011
العمر : 28
| | موضوع: رد: كلمات الوضع لازم يتغير 3 , ام سي امين 2011 الإثنين أغسطس 01, 2011 2:15 am | |
| شكرا لمرور الجميل يااعزائى | |
|
